Компанийн мэдээлэл

• Улаанбаатар, Монгол улс

• 201-500

• pepsi.mn

Компанийн дэлгэрэнгүй

“ЖИ ЭН БЕВЕРЕЖИС” ХХК нь дэлхийн ундаа үйлдвэрлэгчдийн тэргүүлэгч “PepsiCo International” корпорацийн Монгол Улсад ус, ундаа импортлох, үйлдвэрлэх, худалдах албан ёсны эрхийг 2008 онд авснаар үндэсний ундааны үйлдвэрлэлийн хөгжилд шинэ чиг хандлагыг авч ирсэн, олон улсын стандартад нийцсэн үйлдвэрлэл эрхлэгч байгууллага юм. 2008 оны 11-р сард “PepsiCo International” корпораци манай компанитай стратегийн түншлэл байгуулж “Пэпси” брэндийн бүтээгдэхүүнийг импортлох эрх олгосон бөгөөд 2010 онд үйлдвэрлэлийн шугамын угсралт, чанарын иж бүрэн үнэлгээг амжилттай давсны үндсэн дээр Монгол Улсад “Пэпси” ундаа үйлдвэрлэх албан ёсны эрхийг “ЖИ ЭН БЕВЕРЕЖИС” ХХК-д баталгаажуулсан нь компанийн дэвшилтэт үйлдвэрлэлийн шинэ үеийн эхлэл болсон юм. Манай үйлдвэр нь Герман улсын KHS фирмийн бүрэн автомат тоног төхөөрөмжөөр тоноглогдсон бөгөөд PEPSI, MIRINDA, 7UP, LIPTON, STING, MOUNTAIN DEW, AQUAFINA зэрэг брэндийн 15 нэр төрөл бүхий бүтээгдэхүүнийг олон улсын жор, чанарын дагуу үйлдвэрлэн хэрэглэгчдэд хүргэдэж байна. “ЖИ ЭН БЕВЕРЕЖИС” ХХК нь бүтээгдэхүүний чанар, аюулгүй байдлыг үндсэн тэргүүлэх чиглэлээ болгож, үйлдвэрлэл, хяналтын бүх шатанд FSSC 22000, ISO, AIB, PepsiCo, Pepsi Lipton International, мөн Монгол Улсын MNS стандартуудыг мөрддөг. Компанийн үйл ажиллагаа нь олон улсын шаардлага хангасан менежментийн тогтолцоо, дэвшилтэт технологи, мэргэшсэн инженер, технологичдын ур чадвар дээр тулгуурлан тасралтгүй сайжирч ажилладаг бөгөөд эдгээр хүчин зүйлс нь “ЖИ ЭН БЕВЕРЕЖИС” ХХК-ийг Монгол Улсын ундаа үйлдвэрлэлийн салбарын тэргүүлэгч аж ахуйн нэгжийн нэг болох баталгааг бүрдүүлдэг билээ. Алсын хараа Шинэлэг, инновацлаг, автоматчлагдсан шингэн хүнсний зах зээлийн 40%-д хүрэх байгальд ээлтэй, PepsiCo-н олон улсын түвшний шагнал хүртсэн нийгмийн хариуцлагатай үндэсний компани болох. Эрхэм зорилго Дэлхийн брэндээр эрч хүч инээмсэглэл түгээн дэлгэрүүлнэ. Уриа Өнөөдрийг өөдрөгөөр Үнэт зүйлс Санаачлагатай Ёс зүйтэй Бүтээлч Нээлттэй Нэгдмэл