Манай компани хөрөнгө оруулалт, бизнес хөгжлийн ахлах шинжээчийг хайж байна. Энэ албан тушаал нь компанийн стратеги, бизнес хөгжлийн зорилготой уялдуулан богино, дунд болон урт хугацааны бизнес хөгжлийн төлөвлөгөө боловсруулах, хэрэгжилтийг удирдан зохион байгуулах, байгууллагын үйл ажиллагааны болон зах зээлийн мэдээлэлд тулгуурлан бизнесийн дүн шинжилгээ хийх, удирдлагын шийдвэр гаргалтад шаардлагатай тайлан, танилцуулга, зөвлөмж боловсруулах, шинэ бизнесийн боломжуудыг эрэлхийлэх, зах зээлийн судалгаа хийх, хөрөнгө оруулалт болон бизнес хөгжлийн төслүүдийг санаачлах, боловсруулах, хэрэгжүүлэх, хөрөнгө оруулалтын төслүүдийн санхүү, эдийн засгийн үр ашиг, эрсдэлийн үнэлгээ хийх, хөрөнгө оруулалтын шийдвэр гаргалтад дэмжлэг үзүүлэх, төсөл, хөрөнгө оруулалтын санхүүжилтийн эх үүсвэрийг тодорхойлох, хөрөнгө оруулагч, санхүүгийн байгууллагуудтай хамтран ажиллах, бизнес хөгжлийн болон хөрөнгө оруулалтын багийн гишүүдэд мэргэжлийн чиглэл өгөх, ажлын уялдаа холбоог хангах, компанийн удирдлагад шаардлагатай шинжилгээ, судалгааны үр дүнг танилцуулах, стратегийн зөвлөмж боловсруулах, хөрөнгө оруулалт болон бизнес хөгжлийн төслүүдийн хэрэгжилт, үр дүнг хянах, үнэлэх зэрэг үүрэгтэй.