Манай компани хууль, эрх зүйн чиглэлээр мэргэжилтэн хайж байна. Хуулийн Албаны Дарга нь компанийн үйл ажиллагааны хууль, эрх зүйн нийцлийг хангах, эрх зүйн эрсдэлээс урьдчилан сэргийлэх, гэрээ хэлцэл болон төсөл, хөтөлбөрийн хэрэгжилтэд хууль зүйн зөвлөгөө, дэмжлэг үзүүлэх үүрэгтэй. Ажлын үндсэн үүрэг нь авлага барагдуулалтын ажиллагаанд хяналт тавих, төсөл, хөтөлбөрийн хэрэгжилттэй холбоотой хууль зүйн зөвлөгөө өгөх, компанийн үйл ажиллагаанд комплайнсын шаардлагыг хангах, гэрээ, хэлцэл боловсруулах, хянах, хэрэгжилтэд хяналт тавих, эрх зүйн эрсдэлийг тодорхойлж, урьдчилан сэргийлэх санал боловсруулах, холбогдох нэгжүүдийг хууль, эрх зүйн мэдээлэл зөвлөгөөгөөр хангах явдал юм.