Компанийн хэмжээнд хөдөлмөрийн аюулгүй байдал, эрүүл ахуй, галын аюулгүй байдал, байгаль орчны удирдлагын тогтолцоог боловсруулж хэрэгжүүлэх, хууль тогтоомж болон стандартын хэрэгжилтийг хангах, үйлдвэрлэлийн осол, мэргэжлээс шалтгаалах өвчин, эрсдэлийг бууруулах, аюулгүй ажиллагааны соёлыг төлөвшүүлэх.

 ҮНДСЭН ҮҮРЭГ

1. Компанийн хөдөлмөрийн аюулгүй байдал, эрүүл ахуй, галын аюулгүй байдлын бодлого, дүрэм журам, төлөвлөгөөг боловсруулж хэрэгжүүлэх.
2. Компанийн нийт ажилтан болон төслийн талбайн үйл ажиллагаанд мөрдөгдөх ХАБЭА шаардлагын хэрэгжилтэд хяналт тавих.
3. Холбоо дохиолол, галын дохиолол, хяналтын камер, сүлжээний угсралтын ажлын эрсдэлийг тодорхойлж, эрсдэлийн үнэлгээ хийж, бууруулах арга хэмжээг хэрэгжүүлэх.
4. Үйлдвэрлэлийн осол, хурц хордлого, аюултай тохиолдол, зөрчлийг судлан шалгаж, шалтгааныг тогтоон урьдчилан сэргийлэх арга хэмжээ боловсруулах.
5. ХАБЭА инженерүүд болон төслийн удирдлагуудын үйл ажиллагааг уялдуулан зохион байгуулж, мэргэжлийн удирдлагаар хангах.
6. Ажилтнуудын ХАБЭА сургалт, зааварчилгаа, давтан сургалтыг зохион байгуулж, мэдлэг чадварыг дээшлүүлэх.
7. Ажлын байрны үзлэг шалгалтыг тогтмол зохион байгуулж, илэрсэн зөрчлийг арилгуулах арга хэмжээ авах.
8. Хувийн хамгаалах хэрэгсэл, хамгаалалтын тоног төхөөрөмжийн хэрэгцээг тодорхойлж, хэрэглээнд хяналт тавих.
9. Хөдөлмөрийн аюулгүй байдал, эрүүл ахуйн хууль тогтоомж, стандарт, дүрэм журмын хэрэгжилтийг хангаж ажиллах.
10. Төрийн хяналтын байгууллага, захиалагч болон аудитын байгууллагын шалгалт, хяналтад компанийг төлөөлөн оролцох.
11. Компанийн ХАБЭА үзүүлэлт, тайлан мэдээг боловсруулж удирдлагад танилцуулах.
12. Онцгой нөхцөл байдал, гал түймэр, ослын үеийн бэлэн байдлыг хангаж, дадлага сургуулилалт зохион байгуулах.
13. ISO 45001 болон бусад удирдлагын тогтолцооны шаардлагыг хэрэгжүүлж, тасралтгүй сайжруулалтыг хангах.
14. Компанид аюулгүй ажиллагааны соёлыг төлөвшүүлж, ажилтнуудын оролцоог нэмэгдүүлэх үйл ажиллагааг зохион байгуулах.