Уг албан тушаал нь Захиргаа хариуцсан ахлагчийн шууд удирдлагад оффисын орчны цэвэрлэгээ, эрүүл ахуй, эмх цэгцийг хангаж, ажилтнуудад цэвэр, аюулгүй, тав тухтай ажиллах орчныг бүрдүүлж ажиллана.

Үйлчлэгч нь Захиргааны хэлтсийн өдөр тутмын үйл ажиллагааг үр дүнтэй, саадгүй явагдахад бүрэн дэмжлэг үзүүлэх ба үндсэн ажил үүрэг нь цэвэрлэгээ үйлчилгээний ажлуудыг хийж гүйцэтгэх, хариуцан ажиллаж буй талбай болон хэсгийн эмх цэгцтэй, цэвэрхэн байдлыг хангах зэрэг хамаарна. Үүнд:

• Ахлах удирдлага болон Захиргааны хэлтэст захиргааны холбогдолтой дэмжлэгийн шаардлагатай тохиолдолд үзүүлэх.
• Захиргаа хариуцсан менежер болон Захиргаа хариуцсан ахлах нараас өгсөн үүрэг даалгаврыг биелүүлэх ба доор дурдсанаар хязгаарлагдахгүй.
• Хэлтсийн өдөр тутмын үйл ажиллагаа үр дүнтэй, саадгүй ажиллахыг хангах.
• Байгууламж болон оффисын байрны орчны шал, тавилга, хана, хаалга, цонх болон бусад хэсгийн цэвэрлэгээ, ариун цэврийг тогтмол хангаж ажиллах.
• Гал тогоо, ариун цэврийн өрөөний угаалтуур, тавцан, суултуур, толь, цахилгаан хэрэгсэл болон бусад эд зүйлсийг цэвэрлэх, халдваргүйжүүлэх.
• Хог хаягдлыг тогтмол цуглуулж, зориулалтын цэгт ангилан хаях.
• Угаалгын машин, тоос сорогч, шал угаагч болон бусад цэвэрлэгээний тоног төхөөрөмжийг зааврын дагуу зөв, аюулгүй ашиглаж, цэвэр байдлыг хангах.
• Цэвэрлэгээний бодис, хэрэгслийг зориулалтын дагуу зөв ашиглаж, тавилга, шал, плита, цахилгаан хэрэгсэл болон бусад эд хөрөнгийг гэмтэхээс урьдчилан сэргийлэх.
• Цэвэрлэгээ, ариун цэврийн материал болон гал тогооны цай, кофе, сүү зэрэг хэрэглээний нөөцийг хянаж, дуусахаас өмнө хариуцсан ажилтанд мэдэгдэх.
• Хариуцсан байр, талбайн аюулгүй байдлыг хангаж, шаардлагатай засвар үйлчилгээг ахлах ажилтанд мэдээлэх, мөн шаардлагатай тохиолдолд энгийн оёдлын ажил гүйцэтгэх.